Italiyaning «Napoli» klubi yozgi transfer oynasida qanot hujumchisi Xvicha Kvarasxeliyani sotmoqchi emas. "Il Corriere Dello Sport" xabariga ko‘ra, partenopeyliklar Fransiyaning «PSJ» klubi shartnoma imzolamoqchi bo‘lgan gruziyalik futbolchi bilan xayrlashmoqchi emas.

Manbaga ko‘ra, Antonio Konte tez orada «Napoli»ning yangi murabbiyiga aylanadi. Italiyalik mutaxassis Kvarasxeliyani jamoada olib qolmoqchi.

Xvicha Italiya chempionati so‘nggi mavsumida 11 ta gol urdi va 6 ta golli uzatmani amalga oshirdi. 23 yoshli vinger «Napoli»da ikkinchi mavsumini o‘tkazdi.

Avvalroq, parijliklar Xvicha uchun 100 million yevrolik taklif yuborgani xabar qilingandi.