Маурисио Почеттинонинг «Челси» бош мураббийлигидан четлатилишига унинг ярим ҳимоячи Конор Галлахерни сотишдан бош тортгани сабаб бўлди, деб ёзади "The Independent".

Мавсум давомида 24 ёшли англиялик футболчига «Тоттенхэм» ва «Бавария» қизиқиш билдираётгани ҳақида маълумотлар пайдо бўлди. Январь ойида Почеттино Галлахернинг трансфери ҳақида изоҳ беришдан бош тортди, чунки у ўзини «Челси»да қолишига кафолат бера олмади.

Жорий мавсумда Конор 50 та ўйин ўтказиб, 7 та гол урди ва 9 та голли узатмани амалга оширди.