Мадриднинг “Реал” клуби вингери Винисиус Жуниор уни майдон ташқарисида кимлар илҳомлантиргани ҳақида гапирди.

“Бу Пеле, Коби Брайант, Роналду Назарио, Майкл Жордан, ЛеБрон Жеймс ва Криштиану Роналду. Мен уларнинг ҳар биридан нимадир олдим. Пеле бизнинг қиролимиз.

Роналдо бразилиялик юлдуз эди ва "Реал Мадрид"да ўйнаган. У менга кўп нарсани ўргатади ва ҳар сафар қўнғироқ қилиб маслаҳат беради.

У менга энг масъулиятли лаҳза дарвозабон билан яккама-якка чиқиш эканлигини айтганидан бери мен бу ҳақда ўйлай бошладим ва у билан бўлган суҳбатдан кейин анча яхши футболчига айландим.

Энди ҳар сафар яккама-якка вазиятга чиқсам, имкон қадар хотиржам бўламан", — дея Винисиуснинг сўзларини келтиради УEФА расмий сайти.