Италиялик ҳимоячи Леонардо Бонуччи ижтимоий тармоқларда ўзининг ўйинининг энг яхши лаҳзалари акс этган видеони жойлаштирди ва фаолиятини якунлаганини тасдиқлади.
«19-рақам абадий. Болалигимда қачондир бу воқеани айтиб беришимни орзу қилардим. Ота, дўст, эр ва футболчи. Бугун мен тарихдан ташқаридаман. Бу менман», деб ёзган Бонуччи.
Бонуччи фаолиятининг асосий қисмини «Ювентус»да ўтказди – у 2010-2017 ва 2018-2023 йилларда туринликлар жамоасида ўйнаган. Футболчи 2024 йил бошида «Фенербахче»га ўтган эди. Фаолиятининг турли даврларида «Интер», «Милан», «Бари», «Унион» ва бошқа клубларда ҳам тўп тепган.
Бонуччи 9 карра Италия чемпиони («Ювентус» ва «Интер» билан) ва икки карра Чемпионлар лигаси финалчиси.
