"Ньюкасл"нинг собиқ ҳужумчиси Алан Ширер "Реал" ҳужумчиси Хоселу юқори савияли футболчи эмаслигини айтди.
“Мен қўполлик қилмоқчи эмасман - Хоселу яқинда дунёнинг энг катта клуби дарвозасига иккита гол уриб, уларни Чемпионлар лигаси финалига олиб чиқди. У финалда ғалаба голини уриши мумкин, аммо у юқори савияли футболчи эмаслиги аниқ", - дея Ширернинг сўзларини келтиради The Athletic.
Футболчи Мадрид клубида "Эспаньол"дан ижара асосида ўйнамоқда. Ушбу ёзда "Реал" форвард шартномасини 1,5 миллион еврога сотиб олиши мумкин. Испания чемпионатининг 2023/24 йилги мавсумида Хоселу 10 та гол ва 2 та голли узатмани амалга оширган.
