Каталониянинг "Барселона" клуби ёзда ўйин амалиётидан норози бўлган ҳужумчиси Витор Рокени ижарага беришини ҳамон истисно қилмаяпти. Mundo Deportivo хабарига кўра, бразилиялик футболчи бошқа топ-клубда ўйнаши мумкин.

Рокенинг тақдирини ўз лавозимида Хави Эрнандесни алмаштирган "Барселона"нинг янги бош мураббийи Ханс-Дитер Флик ҳал қилиши керак. Эслатиб ўтамиз, "блауграна"нинг собиқ мураббийи Виторга унчалик ишонмасди, шу сабабли 19 ёшли футболчи ўтган мавсумнинг иккинчи ярмида захирада қолиб кетди.

Аввалроқ Рокега "Порту" ва "Интер" каби клублар қизиқиш билдираётгани хабар қилинганди.