«Арсенал» «Лейпциг» ва Словения терма жамоаси ҳужумчиси Бенжамин Шешко билан шартнома имзолашга яқин турибди, деб хабар бермоқда "The Mirror".
Манбага кўра, 20 ёшли форвард хизматларига «Челси», «Манчестер Юнайтед» ва Италиянинг баъзи клублари, жумладан «Милан» ҳам қизиқиш билдирмоқда. Шу билан бирга, футболчининг ўзи фаолиятини Англия чемпионатида давом эттиришга мойил.
Ўтган мавсумда Шешко «Лейпциг» сафида 42 та ўйинда майдонга тушиб, 18 та гол урди ва 2 та голга ассистентлик қилди. Форварднинг немис клуби билан шартномаси 2028 йилнинг ёзига қадар тузилган.
