«Arsenal» «Leypsig» va Sloveniya terma jamoasi hujumchisi Benjamin Sheshko bilan shartnoma imzolashga yaqin turibdi, deb xabar bermoqda "The Mirror".

Manbaga ko‘ra, 20 yoshli forvard xizmatlariga «Chelsi», «Manchester Yunayted» va Italiyaning ba’zi klublari, jumladan «Milan» ham qiziqish bildirmoqda. Shu bilan birga, futbolchining o‘zi faoliyatini Angliya chempionatida davom ettirishga moyil.

O‘tgan mavsumda Sheshko «Leypsig» safida 42 ta o‘yinda maydonga tushib, 18 ta gol urdi va 2 ta golga assistentlik qildi. Forvardning nemis klubi bilan shartnomasi 2028 yilning yoziga qadar tuzilgan.