Мадриднинг “Реал” клуби етакчиси Жуд Беллингем қайси голни Чемпионлар лигаси тарихидаги энг яхши гол деб билишини айтди.
Шанба куни "Лос Бланкос" 15-марта турнир ғолибига айланиши мумкин - улар финалда Дортмунднинг "Боруссия"си билан ўйнайди.
Учрашув арафасида Беллингем интервью бериб, энг нуфузли эврокубокдаги энг севимли голини номлади. "Менимча, бу Бэйлнинг «Ливерпул»га қарши финалда берган зарбаси эди.
Бу ақл бовар қилмас гол бўлди", - деди 20 ёшли инглиз.
Эслатиб ўтамиз, Чемпионлар лигасининг 2017/18 йилги мавсуми финалида “Ливерпуль” “Реал”га имкониятни бой берган (1:3), Гарет Бэйл дубл қайд этганди.
