Либертадорес кубоги гуруҳ босқичининг 6-турида «Палмейрас» «Сан-Лоренсо» билан дуранг ўйнади.
Бу ўйин Бразилия клубининг 17 ёшли ҳужумчиси Эндрик учун охиргиси бўлди. Ушбу ёзда футболчи Испанияга кўчиб ўтади ва у ерда «Реал Мадрид»да ўйнайди.
Эндрик «Палмейрас»даги сўнгги ўйинидан сўнг кўз ёшларини тия олмади.
Жорий мавсумда Эндрик барча турнирларда 22 та ўйинда майдонга тушиб, 4 та гол урди ва 2 та голли узатмани амалга оширди.