"Олмалиқ" ва "Динамо" клублари миллий чемпионатда ўзларининг учинчи дуранг натижаларига эришишди. Самарқандликлардан фарқли равишда Игорь Шквирин жамоаси ҳисобида 1та ғалаба мавжуд. "Динамо" эса 3та дуранг ҳисобига 4та турдан кейин 3 очкога эга бўлиб туришибди.

Ўйин бошидаёқ "Динамо" ҳужумчиси Тўлқин Мирзаев бирга бир вазиятда дарвозабондан устун кела олмади. Яхши жамоа сифатида шаклланиб бораётган "Олмалиқ" эса кейинги вазиятларда ташаббусни қўлга олиб, мезбонларга нисбатан тўп билан кўпроқ муомала қилди.

Ўйин асосан майдон марказида кечганини таъкидлаш лозим. Бурчак тўплари билан якунланган ҳужумлардан кейин ҳам жамоалар стандарт вазиятлардан наф чиқара олишмади.

Иккинчи бўлимда "Динамо" тезликни бироз оширди. Ҳаттоки Камо Газаров шогирдлари ўйин сўнгида ғалабани ўзлари томон оғдириб олишлари ҳам мумкин эди. Аммо Комил Шарофетдинов чиройли пас билан Киликевични дарвозабон билан бирга бир вазиятга чиқариб юборди. Бироқ легионер футболчи "Олмалиқ"нинг туркманистонлик дарвозабонини доғда қолдира олмади.

ОЛИЙ ЛИГА-2013. 4-ТУР
"ОЛМАЛИҚ" - "ДИНАМО" - 0:0
Огоҳлантиришлар: Акмал Холмуродов (65) — Владимир Киликевич (90)
"Динамо": 27. Андрей Мельничук, 5. Аҳрол Рисқуллаев, 6. Акмал Бозоров (Абдулла Набиев 59), 9. Владимир Киликевич, 10. Тўлқин Мирзаев (Комил Шарофиддинов 69), 13. Александр Клецков, 16. Акмал Холмуродов, 18. Сирожиддин Сайфиев, 21. Азамат Бобожонов, 22. Фирдавс Абдусалимов (Максим Колядин 79), 25. Нодир Саноқулов.
"Олмалиқ": 1. Мақсатмурот Шомуродов, 2. Тимур Кагиров, 5. Евгений Гоголь, 20. Дарко Станоевич, 24. Диёр Туропов, 8. Зафар Тўраев, 13. Игорь Петкович (Достон Абдураҳмонов 71), 18. Самандар Шодмонов (Санжар Шоаҳмедов 46), 11. Зоҳир Пиримов, 9. Зафар Полвонов, 21. Шаҳбоз Эркинов (Мўйдин Мамазулумов 79).
Ҳакамлар: Зокир Қодиров (Навоий), Равиль Шояхметов (Тошкент), Андрей Букатин (Тошкент), Наим Қосимов (Қарши)
Назоратчи:Артём Арутюнов (Тошкент).