Франция терма жамоаси ҳужумчиси Антуан Гризманн 2024 йилги Европа чемпионатида ғолиб чиқишга умид қилмоқда.

«Мен Европа чемпионатида ғалаба қозонишни хоҳлайман. 2016 йил мени хафа қилди, биз яқин эдик (Франция Евро-2016 финалида мағлуб бўлди). Мен Евро-2024ни орзу ва интилиш билан кутаман. Майдонда асосийси бир жамоа бўлиш, курашда қаттиққўллик. Биз имкон қадар узоққа бориш учун жуда кучли ҳимояланишимиз керак бўлади», - дея Гризманнинг сўзларини келтиради "Footmercato".

Европа чемпионати 14 июндан 14 июлга қадар Германияда бўлиб ўтади. Франция терма жамоаси Австрия, Нидерландия ва Польша билан бир гуруҳдан жой олган.