"Насаф" Косонсойда муҳим ғалабага эришиб, ўз очколарини сонини 7тага етказиб олди. "Навбаҳор" эса кетма-кет учинчи ўйинда мағлубиятга учради ва наманганлик мухлисларни ранжитишда давом этмоқда. "Навбаҳор" 3 апрель куни 2-турнинг қолдирилган баҳсида "Локомотив"ни қабул қилишини назарда тутсак, улар фақатгина бешинчи ўйинга келиб ижобий натижага умид қилишлари мумкин, шекилли.

"Навбаҳор"нинг муваффақиятсиз стартига қарамай, Косонсойдаги стадионга етарлича мухлислар ташриф буюришди. Аммо ҳар йили таркибни бошқатдан шакллантиришга мажбур бўладиган наманганликлар таркиб борасида муаммоси йўқ "Насаф" қаршилигини синдира олмади.

Қаршиликлар иккита бўлимда биттадан ғалаба тўпини киритишди. Ўйиннинг 40-дақиқасида Шоҳрух Гадоев олис масофадан чиройли услубда Романенко қўриқлаётган дарвозани ишғол қилган бўлса, 80-дақиқада Илҳом Шомуродов бош билан тўпни дарвозага йўллади. Бу Илҳомнинг мавсумдаги учинчи гол бўлди.

Ўйинга қўшиб берилган компенсация вақтида эса Ҳамза Каримов жарима майдончаси ичида наманганлик футболчига нисбатан қўполлик ишлатгани учун ҳакам пенальти белгилади. 11 метрли жарима зарбасини Рўзимбой Аҳмедов аниқ амалга ошириб, ҳисобни биттага қисқартирди. Қолганига эса "Навбаҳор" вакилларига вақт етмади.

"НАВБАҲОР" - "НАСАФ" - 0:2 (0:1)
Голлар: Рўзимбой Аҳмедов (90+3) — Шоҳрух Гадоев (40), Илҳом Шомуродов (80)
Огоҳлантиришлар: Денис Романенко (13), Қаҳрамон Муҳаммаджонов (55),  — Мақсуд Каримов (37), Ҳамза Каримов (90+3)
"Навбаҳор": Денис Романенко, Абдумажид Тоиров, Расул Ҳайитов, Азимжон Аҳмедов, Илҳом Бойдедаев (Абдумалик Абдуллаев 66), Акром Баҳриддинов, Расул Шуҳратов (Аъзам Алиев 36), Темур Султонов, Виталий Почуев (Қаҳрамон Муҳаммаджонов 46), Ғайрат Жўраев, Рўзимбой Аҳмедов
"Насаф": Элдорбек Суюнов, Мақсуд Каримов, Ботир Қораев, Илҳом Шомуродов (Суҳроб Неъматов 82), Алишер Юсупов, Артур Геворкян, Эркин Бойдуллаев, Шоҳрух Гадоев (Лазиз Убайдуллаев 90), Илҳом Юнусов, Ҳамза Каримов, Азамат Алланиёзов (Зоҳид Абдуллаев 70)