"Милан"нинг афсонавий футболчиси Руд Гуллитнинг фикрича, "Болонья" ҳужумчиси Жошуа Зиркзее ўзининг собиқ жамоасига мос келади, бироқ бу борада "Арсенал" билан рақобат мавжуд.
Ҳужумчи жорий мавсум “Болонья”да 37 та ўйинда 12 та гол ва 7 та голли узатма билан барчани ҳайратда қолдирди ва бу уларга Чемпионлар лигаси йўлланмасини қўлга киритишга ёрдам берди.
"Менга Зиркзее ёқади, мен уни ўғлим билан 17 ёшгача бўлганлар жамоасида ўйнаганидан бери биламан.
У гол уриш учун ҳақиқий таран ҳужумчи, у ҳар доим керакли вақтда керакли жойда ўзини топади. У "Милан" учун яхши шартнома бўларди", – деди Гуллит.