“Наполи” ҳужумчиси Виктор Осимхен бу ёзда “Челси”га ўтмайди.
Лондон клуби "ПСЖ" билан бирга 25 ёшли футболчига асосий дахвогарлардан бири эди. Инсайдер Фабрицио Романонинг янгиланган маълумотларига кўра, "Челси" Осимхенни яқинлашиб келаётган трансфер ойнасида қўлга киритиш ниятида эмас - нигериялик "кўклар" учун устувор мақсад эмас, у бўйича музокаралар давом этмаяпти. Кўринишидан, инглиз гранди хўжайинлари А Серия юлдузининг нархидан мамнун эмас.
Хабарингиз бор, “Наполи” Виктор Осимҳенни сотишдан 100 миллион евродан кўпроқ даромад олишни кутмоқда. Декабрь ойида форвард клуб билан 2026 йилгача мўлжалланган янги шартнома имзолаганди.
