"Реал Мадрид" бош мураббийи Карло Анчелотти Хавининг "Барселона"дан кетишига муносабат билдирди.
"Бу мураббий ишининг бир қисми. Ўйлайманки, Хави қилган ишидан кейин бу бироз хавотирга тушди, чунки у биринчи марта ишдан бўшатилмоқда, бироқ вақт ўтиши билан у бу ишнинг бир қисми эканини тушунади деб ўйлайман.
Клуб ва мураббий ўртасида яхши муносабатлар бўлмаса, энг яхши вариант - жамоадан кетиш. Бу мен билан кўп бўлган, "Наполи", "Бавария" ва "Челси"да. Унинг кетиши яхши бўлди, менимча, бу Хави учун ва балки "Барселона" учун фойдалидир", - деди Анчелотти AS билан суҳбатда.
Май ойида "Барселона" Хави бош мураббий лавозимидан четлатилганини эълон қилганди. У 2021 йилдан буён клубни бошқариб, Ла Лига ва Испания Суперкубогини қўлга киритди.
