"Рома" ва Италия терма жамоасининг собиқ ҳужумчиси Франческо Тоттининг фикрича, терма жамоа таркибида жаҳон даражасидаги юлдузлар кам бўлишига қарамай, Италия терма жамоасининг Евро-2024да муваффақиятга эришиш имконияти юқори.
"Ўйлашимча, Европа чемпионати каби муҳим мусобақаларда индивидуаллардан кўра, жамоа муҳимроқ. Италия кучли, уларда ажойиб мураббий бор. Ҳаммамиз улар яхши ўйнашига умид қиламиз", - деди Тотти Football Italia билан суҳбатда.
Италия терма жамоаси Евро-2024 да B гуруҳида иштирок этади, уларнинг гуруҳдаги рақиби Испания, Хорватия ва Албания терма жамоалари бўлади.
