«Эвертон» ярим ҳимоячиси Амаду Онана «Туманли Альбион»ни тарк этиб, Испанияга кўчиб ўтиши мумкин. Бу ҳақда "Sport.es" портали журналистлари хабар бермоқда.
Манбага кўра, бельгиялик футболчи «Барселона»нинг қизиқиш доирасига тушиб қолган. «Блауграна» ярим ҳимоя чизиғини кучайтириш варианти сифатида Амадуни кўриб чиқмоқда. «Эвертон» футболчини сотишдан 60 миллион евро ишлаб олишни режалаштирмоқда, аммо «блауграна» 40 миллион евро таклиф қилишга тайёр.
Англия чемпионатининг сўнгги мавсумида 22 ёшли Онана 30 та ўйин ўтказиб, иккита гол урди ва бешта сариқ карточка олди.
