«Everton» yarim himoyachisi Amadu Onana «Tumanli Albion»ni tark etib, Ispaniyaga ko‘chib o‘tishi mumkin. Bu haqda "Sport.es" portali jurnalistlari xabar bermoqda.
Manbaga ko‘ra, belgiyalik futbolchi «Barselona»ning qiziqish doirasiga tushib qolgan. «Blaugrana» yarim himoya chizig‘ini kuchaytirish varianti sifatida Amaduni ko‘rib chiqmoqda. «Everton» futbolchini sotishdan 60 million yevro ishlab olishni rejalashtirmoqda, ammo «blaugrana» 40 million yevro taklif qilishga tayyor.
Angliya chempionatining so‘nggi mavsumida 22 yoshli Onana 30 ta o‘yin o‘tkazib, ikkita gol urdi va beshta sariq kartochka oldi.
