"Порту" ярим ҳимоячиси Алан Варела "Ливерпул"нинг трансфер мақсадларидан бири.
22 ёшли футболчининг "аждарлар" билан шартномасида 70 миллион евро миқдоридаги товон пули банди бор.
Журналист Руди Галеттининг хабарига кўра, "Ливерпуль" ҳимоявий ярим ҳимоячи билан шартнома имзолаш устида иш бошлаган.
Тез орада аргентиналик футболчи борасида "Порту" билан музокаралар бошланиши кутилмоқда. Алан Варела ўтган мавсумда 44 та ўйинда майдонга тушиб, 2 та гол урган ва 3 та голли узатмага муаллифлик қилган.
Футболчининг "Порту" билан амалдаги шартномаси 2028 йилгача мўлжалланган.
