Мадриднинг “Реал” клуби ва Бразилия терма жамоасининг машҳур собиқ футболчиси Кака Винисиус Жуниор ва Жуд Беллингем ўйини ҳақида ўз фикрларини билдириб ўтди.
“Лос-Бланкос”нинг икки етакчиси “Олтин тўп”га асосий даъвогарлар саналади. "Реал Мадрид" шанба куни Чемпионлар лигаси финалида Дортмунднинг "Боруссия" жамоасига қарши ўйнайди.
“Бразилиялик сифатида Винисиус учун жуда хурсандман. Умид қиламанки, "Реал" ғалаба қозонади ва Вини йилнинг энг яхши футболчиси унвони учун курашади.
Жуд ҳам ақл бовар қилмас футболчи. У нафис, аммо жуда етук ўйнайди. У ҳеч қачон асабийлашмайди ва ҳар доим ишончли кўринади.
Ўйлайманки, у ҳам “Олтин тўп”ни юта олади”, - дея Какадан иқтибос келтиради Madrid Xtra.
