Карло Анчелотти мураббийлик фаолиятидаги 29-совринни қўлга киритди.

Бугун италиялик мутахассис бошчилигидаги Мадриднинг “Реал” клуби финалда Дортмунднинг “Боруссия” жамоасини мағлуб этиб, Чемпионлар лигасида ғолиб чиқди (2:0).

Анчелотти бу совринни "Реал Мадрид" бошқарувида учинчи ва мураббийлик фаолиятида бешинчи марта қўлга киритди. Умуман олганда, у Мадрид клуби билан 13 та чемпионликка эга, бу кўрсаткич бўйича у Мигель Муньосдан кейин иккинчи ўринда туради - у "қаймоқранглилар" билан 14 та совринни қўлга киритган.