"Реал Мадрид" ҳужумчиси Винисиус Жуниор жорий мавсум якунида "Олтин тўп"га асосий даъвогар бўлиб турибди, дея хабар беради журналист Николо Шкира.
Кеча, 1 июн куни Чемпионлар лигаси доирасида “Боруссия” билан ўйинда рақиб дарвозасини ишғол қилиб, турнир финалида биттадан кўп гол урган илк бразилиялик бўлди.
Аввалроқ у 2021/2022 йилги мавсумда “Ливерпул”га қарши финалда гол урганди. Винисиус шунингдек, саккизта дриблингни ҳам бажарди, бу 2015 йилда “Ювентус”га қарши ўйинда 10 та дриблинг амалга оширган Лионель Мессидан кейин Чемпионлар лигаси финалидаги энг яхши натижа бўлди.
Жорий мавсумда Винисиус 39 та ўйин ўтказиб, 24 та гол урди ва 11 та голли узатмани амалга оширди.
