"Навбаҳор" - "Насаф" ўйинидан кейин мезбонлар бош мураббийи Мустафо Байрамов ўз фикрлари билан ўртоқлашди.
Мустафо Байрамов, «Навбаҳор» бош мураббийи:
«Уйдаги учрашувларда бундай ўйнаш ярамайди. Футболчиларга учрашувдан олдин ҳужумкор ўйин кўрсатиш вазифасини қўйгандик. Уйда шундай ўйнаш орқали ижобий натижага эришиш мумкин. Мақсадимиз ғалаба қозониш эди. Лекин ҳимоядаги хатолар ва бошка омиллар мағлубиятга сабаб бўлди. Футболчиларимиз қандай тарзда ҳаракат қилишганини тушуна олмадим. «Насаф» эса, аксинча, ҳужумкор ўйин курсатишга уринди. Юзага келтирилган вазиятлардан самарали фойдаланиб, дарвозамизни ишғол килди. Футболчиларимиз шижоат кўрсатишлари керак эди. Бироқ бундай бўлмади. Ўзимизнинг хатоларимиз туфайли имкониятни бой бердик».
