Дортмунднинг "Боруссия" клуби раҳбарлари "Манчестер Юнайтед" вингери Жейдон Санчони доимий равишда сотиб олишга ҳаракат қилади.
Англиялик футболчи мавсумнинг иккинчи ярмини “бамблар” сафида ижара асосида ўтказди. Инсайдер Фабрицио Романонинг ижтимоий тармоқларда хабар беришича, немис клуби бу борада “қизил иблислар” билан музокаралар олиб боришни режалаштирган.
Яқин кунларда ҳар икки томон вакилларининг учрашуви бўлиб ўтади. Ўтган мавсумда Жейдон 24 та ўйин ўтказиб, 3 та гол урди ва 3 та голли узатмани амалга оширди.
Ярим ҳимоячининг манкунианликлар билан меҳнат шартномаси 2026 йилнинг ўрталарига қадар тузилган.
