«Реал» ҳимоячиси Лукас Васкес яқин кунларда клуб билан янги шартнома имзолайди, дея хабар беради инсайдер Фабрицио Романо.
Футболчининг «Лос-Бланкос» билан амалдаги шартномаси 2024 йилнинг 30 июнида тугайди. Олдинроқ янги келишув бир йилга амал қилиши хабар қилинганди.
Эслатиб ўтамиз, Васкес «Реал Мадрид» тарбияланувчиси ҳисобланади. У 2007 йилнинг ёзидан буён клубда, 2015 йилдан эса асосий жамоада ўйнамоқда.
Жорий мавсумда Лукас клуб сафида 38 та ўйинда майдонга тушиб, 3 та гол ва 7 та голли узатмани амалга оширди.
