Осиё чемпионлар лигаси гуруҳ босқичи 3-тур доирасидан ўрин олган «Бунёдкор» - «Бейцзин Гоан» жамоалари учрашуви арафасида мусобақа регламентига биноан бир қатор тадбирлар ўтказилиши кўзда тутилган.

1 апрель соат 14:00да «Бунёдкор» футбол клуби мажлислар хонасида матч комиссари бошчилигида жамоалар менежерлари иштирокида ташкилий масалалар кўриб чиқиладиган митинг бошланади.

Соат 15:00 да «Бунёдкор» стадиони матбуот анжуманлари залида оммавий ахборот воситалари ходимлари қаршисида хитойлик меҳмонлар пайдо бўлишади. Орадан ярим соат ўтгач тошкентликлар устози Миржалол Қосимов ва жамоа аъзоларидан бири журналистлар билан мулоқотга киришади.

16:00да “қалдирғочлар”нинг машғулоти бошланади. Яна бир соатдан кейин майдонда «Бейцзин Гоан» футболчилари машққа киришишади. Машғулотларнинг дастлабки 15 дақиқаси журналистлар учун очиқ ҳолда ўтказилади.

Эслатиб ўтамиз, «Бунёдкор» - «Бейцзин Гоан» учрашуви 2 апрель куни соат 17:00да бошланади.