"Реал" ярим ҳимоячиси Жуд Беллингем ҳужумчи Килиан Мбаппенинг трансфери Мадрид клубига нима олиб келиши мумкинлигини тушунтирди.
Миш-мишларга кўра, Мбаппе аллақачон "Лос Бланкос" билан шартнома имзолаган ва келаси ҳафта "Реал Мадрид" футболчиси сифатида тақдим этилади.
"Агар бу содир бўлса, бу ажойиб бўлади. Бундай ўйинчи - соф "тўққизлик" ҳақида гап кетганда, бизга етишмаётган ягона детал. Ўйлайманки, агар у келиб, бизга шуни берса, биз жуда ва жуда яхши ҳолатда бўламиз. У бизни бошқа даражага олиб чиқади. У, шубҳасиз, дунёнинг энг яхши футболчиларидан бири”, - деди Беллингем TNT Sports телеканалида.
