"Реал"нинг собиқ бош мураббийи Жозе Моуриньо "Қироллик клуби"нинг амалдаги бош мураббийи Карло Анчелоттининг 2023/2024 йилги мавсумдаги ишига юқори баҳо берди.
"Карло футболчиларни бирлаштириш йўлини топди. Карло Винисиус учун ҳам, Беллингем учун ҳам энг зўр позицияни топди. Жуд ўз маҳорати билан "саккизлик" ёки "олтилик" сифатида ўйнай олади, аммо Карло майдон марказидаги ромбдан фойдаланиб, унга янги позицияни таклиф қилди.
Бу Беллингемга майдондаги босимдан ўзини эркин ҳис қилиш учун идеал имкониятни беради. У жуда кўп гол урди. Демак, Анчелотти ажойиб иш қилди", - деди Моуриньо Eurosport билан суҳбатда.
Мадрид клуби 2023/2024 йилги мавсумда Чемпионлар лигасида ғолиб чиқди ва финалда Дортмунднинг "Боруссия" жамоасини 2:0 ҳисобида мағлуб этди. Шунингдек, “Реал” 2023/2024 йилги мавсумда Испания чемпиони ва Испания кубоги соҳибига айланди.
