Мадриднинг “Реал” клуби ҳимоячиси ва сардори Начо Фернандес навбатдаги муваффақиятли мавсум якунларини сарҳисоб қилди. Карло Анчелотти жамоаси тарихда 15-марта Чемпионлар лигасида ғолиб чиқди, шунингдек, Ла Лига ва Испания Суперкубогида ҳам зафар қучди.
"10 ёшимда "Реал"га келганимда буларнинг барчасини тасаввур қила олмасдим. Мен клуб тарихининг бир қисми эканлигимдан фахрланаман. Биз ҳар доим барча унвонлар учун курашамиз, биз ҳеч қачон таслим бўлмаймиз. Буни бизга болалигимиздан ўргатишган, бу бизнинг ДНКимизнинг бир қисмидир", деди Начо.
Шанба куни бўлиб ўтган финал учрашуви “қаймоқранглилар”нинг Дортмунднинг “Боруссия” клуби устидан 2:0 ҳисобидаги ғалабаси билан якунланган эди.
