"Челси" Италиядан навбатдаги бош мураббий тайинланишига ҳозирлик кўрмоқда. Яқин орада Лондон жамоасини “Лестер” билан муваффақиятга эришган Энсо Мареска бошқаради.
Ишончли манбаларга кўра, мутахассис аллақачон "кўклар" билан узоқ муддатли шартнома имзолаган. Эътиборлиси, Мареска сўнгги 26 йил ичида “Челси”нинг еттинчи италиялик мураббийига айланади.
Биринчиси, 1998 йилдан 2000 йилгача клубда ишлаган Жанлука Виалли, кейин Клаудио Раньери (2000 йилдан 2004 йилгача), Карло Анчелотти (2009 йилдан 2011 йилгача), Роберто ди Маттео (2012 йил), Антонио Конте (2016 йилдан 2018) ва Маурицио Сарри (2018 йилдан 2019 йилгача).
