"Реал Мадрид" мухлислари Чемпионлар лигасидаги ғалабани нишонлаш пайтида Винисиусни қўллаб-қувватлашди.

15-Чемпионлар лигаси кубогини қўлга киритиш муносабати билан "Реал Мадрид" Мадридда чемпионлик парадини ўтказди.

"Реал Мадрид"нинг ғалабасини кўчада нишонлаётган мухлислар: "Олтин тўп" Винисиусга!, дея бақиришди. Аввалроқ, мадридлик мухлислар Ла Лиганинг 36-чи чемпионлигини нишонлаш учун чемпионлик парадида шундай қўшиқ айтишган.

Чемпионлар лигаси финалида Дортмунднинг “Боруссия”сига қарши ўйинда (2:0) Винисиус 83-дақиқада гол урди. "Реал" вингери жорий мавсумда 39 та ўйинда майдонга тушиб, 24 та гол урди ва 11 та голга ассистентлик қилди.