«Барселона» бош мураббийи Ханс-Дитер Флик «Манчестер Сити»дан ижарага олинган Жоау Канселуни жамоада сақлаб қолишни таъкидламоқда.

30 ёшли футболчининг ижара муддати жорий мавсум охиригача белгиланган эди. «Барселона» айни дамда португалиялик футболчини сақлаб қолиш устида ишламоқда, дея хабар беради журналист Флориан Плеттенберг. «Кўк-анорранглилар»нинг янги бош мураббийи Фликнинг шахсан ўзи Канселу билан ҳамкорликни давом эттиришни қўллаб-қувватлайди. Молиявий муаммолар туфайли Каталония гиганти учун футболчини сотиб олиш қийин бўлади, шунинг учун қайта ижарага олиш барча томонлар учун энг мақбул ечим бўлиши мумкин.

Жоау Канселу «Барселона» сафида 42 та ўйин ўтказиб, 4 та гол ва 5 та голли узатмага муаллифлик қилган.