Ўтган дам олиш кунлари Чемпионлар лигасининг финал учрашуви "Реал" ва "Боруссия" ўртасида бўлиб ўтди. Мадрид клуби Дортмундлик рақибини 2:0 ҳисобида мағлуб этди. Голларга ҳимоячи Дани Карвахаль ва ҳужумчи Винисиус Жуниор муаллифлик қилишди.
Bild нашрининг ёзишича, Жуд Беллингемнинг ғалабаси собиқ жамоасига катта мукофот олиб келган. "Реал" немисларга 4,5 миллион евро тўлаши керак. Бу банд англиялик ярим ҳимоячисининг шартномасида кўрсатилган.
Эслатиб ўтамиз, аввалроқ "Қироллик клуби" Испаниядаги чемпионатдан кейин "Боруссия"га беш миллион евро тўлаган эди. Шу тариқа, "арилар" Беллингемнинг муваффақиятларидан деярли ўн миллион ишлаб олди.
