"Манчестер Сити" ярим ҳимоячиси Кевин Де Брюйне ёзги трансфер ойнасида жамоасини тарк этиши мумкин.
Football Insider нашри хабарига кўра, бельгиялик футболчига тез орада фаолиятини давом эттириш учун бир нечта таклифлар тушади. Де Брюйне шу ойда 33 ёшга тўлади, шунинг учун футболчи "Манчестер Сити"ни тарк этиш ҳақида ўйламоқда.
Ярим ҳимоячининг "шаҳарликлар" билан шартномаси 2025 йилнинг ёзида тугайди ва Кевин шартномани узайтирмоқчи эканлиги ҳақида ҳозирча ҳеч қандай сигнал бермаган.
Де Брюйне Англия Премьер-лигасида "Манчестер Сити" билан 6 марта совринни қўлга киритган. Ўтган мавсумда бельгиялик футболчи 18 учрашувда 4 та гол урди ва 10 та голли узатмани амалга оширди.
