"Реал" дарвозабони Андрей Лунин Мадрид клубини тарк этиши мумкин, деб хабар бермоқда Marca нашри.
Манбага кўра, Лунин кейинги мавсумда унга яна захира дарвозабон вазифаси юкланишини билади, шунинг учун у шартнома узайтирилишига шубҳа қилмоқда.
Луниннинг "Реал" билан шартномаси 2025 йилнинг ёзига қадар амал қилади.
Эслатиб ўтамиз, Лунин икки марта Чемпионлар лигасида ғолиб чиққан тарихдаги ягона украиналик бўлди.
25 ёшли украиналик жорий мавсумда 31 та ўйинда 32 та гол ўтказиб юборди ва 12 бор ўз дарвозаси дахлсизлигини сақлаб қолди.
