"Барселона" сардори Серхи Роберто ёзда жамоани тарк этишни ўйламоқда, дея хабар беради ишончли журналист Маттео Моретто.
Ярим ҳимоячи клубдаги фаолиятини якунлашга яқин турибди. Хави Робертонинг клубда қолишини таъкидлади, аммо унинг ишдан бўшатилиши раҳбариятнинг режаларини ўзгартирди.
Серхининг "Барса" билан шартномаси шу ёзда тугайди ва у эркин агент сифатида кетиши мумкин. Футболчи аллақачон бошқа клублар таклифларини кўрмоқда.
Роберто ҳар доим ҳам майдонга тушмаса-да, у клубнинг содиқ вакили бўлиб, 11 йилни асосий таркибда ўтказди. У ҳозирда "Барселона"да энг узоқ вақт тўп тепган футболчи ҳисобланади.
