УЕФА Чемпионлар лигасининг якунланган мавсумидаги энг яхши голини аниқлади.
"Реал Мадрид"нинг чорак финалнинг биринчи ўйинида "Манчестер Сити" дарвозасига урган голи энг яхши деб топилди. Гап уругвайлик ярим ҳимоячи Федерико Вальверденинг голи ҳақида кетмоқда. Ўша ҳужум охирида Винисиус жарима майдончасининг чап бурчагидан жарима майдончасининг қарама-қарши четига ҳаводан узатма берди, у ердан Вальверде ажойиб тарзда зарба берди - тўп узоқ бурчакка кучли зарб билан бориб тушди. Дарвозабон ҳатто реакция беришга ҳам улгурмади. Ўша учрашув 3:3 ҳисобида якунланган эди.
Эслатиб ўтамиз, шанба куни Мадриднинг “Реал” клуби Чемпионлар лигаси финал учрашувида Дортмунднинг “Боруссия” клубини 2:0 ҳисобида мағлуб этганди.
