UEFA Chempionlar ligasining yakunlangan mavsumidagi eng yaxshi golini aniqladi.
"Real Madrid"ning chorak finalning birinchi o‘yinida "Manchester Siti" darvozasiga urgan goli eng yaxshi deb topildi. Gap urugvaylik yarim himoyachi Federiko Valverdening goli haqida ketmoqda. O‘sha hujum oxirida Vinisius jarima maydonchasining chap burchagidan jarima maydonchasining qarama-qarshi chetiga havodan uzatma berdi, u yerdan Valverde ajoyib tarzda zarba berdi - to‘p uzoq burchakka kuchli zarb bilan borib tushdi. Darvozabon hatto reaksiya berishga ham ulgurmadi. O‘sha uchrashuv 3:3 hisobida yakunlangan edi.
Eslatib o‘tamiz, shanba kuni Madridning “Real” klubi Chempionlar ligasi final uchrashuvida Dortmundning “Borussiya” klubini 2:0 hisobida mag‘lub etgandi.
