Дортмунднинг "Боруссия" клуби вингери Жэйдон Санчо Чемпионлар лигаси финалида "Реал"га ютқазганидан икки кун ўтиб баёнот берди.
"Боруссия"да олти ой ақлдан озган тарзда ўтди. Биз бирга ғалаба қозонамиз ва бирга мағлуб бўламиз, бу дақиқалар бизни фақат кучлироқ қилади. Мен шундай ажойиб жамоанинг бир қисми бўлганимдан хурсандман!
"Реал Мадрид"ни Чемпионлар Лигасидаги ғалаба билан табриклайман. Ўша кечада биз мағлуб бўлдик, лекин ўзимиз билан фахрланишимиз керак. Биз бир оиламиз ва бу дақиқалар орамизни бузмайди. Бундай ажойиб кунда бизни қўллаб-қувватлаш учун келган барчага раҳмат!” – деб ёзди Санчо ижтимоий тармоқларда.
Шунингдек, Санчо мураббий (Эдин Терзич) ва директорларни (Себастьян Кель ва Ханс-Йоахим Ватцке) алоҳида таъкидлаб, Дортмунддаги барчага миннатдорчилик билдирди. Бундан ташқари, футболчи Дортмунд клуби мухлисларига миннатдорчилик билдирди.
Эслатиб ўтамиз, Жэйдон Санчога бўлган ҳуқуқлар “Манчестер Юнайтед”га тегишли.
