"Милан" ультрас компанияси Карло Анчелоттининг Чемпионлар лигасидаги ғалабаси шарафига атаб баннер тайёрлашди.
1 июнь куни италиялик мутахассис бошчилигидаги "Реал" финалда "Боруссия"ни мағлуб этиб (2:0) кубокни қўлга киритди.
Бу ғалаба Анчелотти учун мураббий сифатидаги рекорд (5) бўлди. Италиялик мутахассис 2003 ва 2007 йилларда "Милан" бош мураббийлигида Чемпионлар лигасидаги дастлабки икки ғалабани қўлга киритган.
Curva Sud ультрас жамоаси собиқ мураббийининг ютуғини қуйидаги сўзлар ёзилган баннер кўрсатиш орқали нишонлади: “Рақиби йўқ чемпион. Карло Анчелотти - тенгсиз афсона".
