Карло Анчелоттининг бир ой ичида иккинчи марта сигарет билан боғлиқ машҳур сурати тарқалди.

Бугун "Реал" Чемпионлар лигасидаги ғалабасига бағишланган парадда иштирок этди.

Мадридликлар бош мураббийи тадбир давомида футболчилар билан суратга тушди ва бир қўли билан маъқуллаш ишорасини кўрсатди, иккинчи қўли билан сигарет тутди. У қуёшдан сақлайдиган кўзойнак таққан эди.

"Йигитлар ва мен анъанавий суратга тушдик", деди Анчелотти.

Биринчи марта бундай сурат 2022 йилда Ла Лигадаги ғалабани нишонлаш вақтида олинган. 2024 йилги ички чемпионатдан сўнг "Реал Мадрид" устози яна шундай суратга тушишга қарор қилганди.