"Милан" жамоани кучайтириш устида ишламоқда.
Ижтимоий тармоқларда таниқли инсайдер Фабрицио Романонинг ёзишича, “россонерилар” “Тоттенхэм” ҳимоячиси Эмерсон Роял томон ҳаракат қилмоқда.
Қайд этилишича, 25 ёшли Эмерсоннинг ўзи "Милан"га ўтмоқчи, шу боис футболчи билан муаммосиз келишувга эришилади.
“Россонерилар” учун “шпорлар” билан келишувга эришиш муҳим – лондонликлар тахминан 20 миллион евро ишлаб олмоқчи.
Умуман олганда, Эмерсон "Тоттенхэм" сафида 101 та расмий ўйин ўтказиб, 4 та гол ва иккита голли узатмани амалга оширган.
