"Milan" jamoani kuchaytirish ustida ishlamoqda.
Ijtimoiy tarmoqlarda taniqli insayder Fabrisio Romanoning yozishicha, “rossonerilar” “Tottenxem” himoyachisi Emerson Royal tomon harakat qilmoqda.
Qayd etilishicha, 25 yoshli Emersonning o‘zi "Milan"ga o‘tmoqchi, shu bois futbolchi bilan muammosiz kelishuvga erishiladi.
“Rossonerilar” uchun “shporlar” bilan kelishuvga erishish muhim – londonliklar taxminan 20 million yevro ishlab olmoqchi.
Umuman olganda, Emerson "Tottenxem" safida 101 ta rasmiy o‘yin o‘tkazib, 4 ta gol va ikkita golli uzatmani amalga oshirgan.
