Килиан Мбаппе "Реал" футболчисига айланди.

Франция терма жамоасининг 25 ёшли ҳужумчиси ва жаҳон чемпиони эркин агент сифатида Мадрид клуби билан 5 йиллик шартнома имзолади.

Эслатиб ўтамиз, Мбаппе 2022 йилнинг ёзида "Реал"га текинга ўтишга яқин эди, аммо кейин у "ПСЖ" билан шартномасини узайтиришга қарор қилди.

2017 йилдан бери Килиан "ПСЖ" сафида ўйнади, у ерда 6 марта Лига 1, 4 марта Франция кубоги, 3 марта Франция Суперкубоги ва икки марта Франция Лигаси кубоги соҳиби бўлди.

Парижликлар билан етти йил давомида Мбаппе 308 та ўйинда 256 та гол ва 108 та голли узатма билан клуб тарихидаги энг яхши тўпурарга айланди.

Бунгача франциялик футболчи "Монако" сафида ўйнаган ва у билан Франция чемпионлигини қўлга киритган.