Нидерландия терма жамоасининг афсонавий собиқ футболчиси Руд Гуллит "Барселона" ярим ҳимоячиси Френки де Йонгнинг ўйинларидан норози. 27 ёшли футболчи жароҳати сабаб апрель ойидан бери майдонда ўйнамади.

Яқинда ярим ҳимоячи Нидерландия терма жамоаси сафида бўлажак Европа чемпионатида ўйнаш учун соғлиғини хавф остига қўйишга тайёрлигини маълум қилди.

"Фейеноорд"да ўйнаганимда Йохан Кройф менга: "Руд, сен жамоадошларингни яхшироқ қилишинг керак", деди. Мен у нимани назарда тутганини тушунмадим, лекин нима учун бундай деганини биласизми? Жамоадошларингизга ёрдам берсангиз доим яхши ўйнайсиз. Аммо Френки буни қилмайди. Охирги мавсумда у шарпага ўхшарди. У ўзини йиғиб олиши керак", - дея машҳур собиқ футболчининг сўзларидан иқтибос келтиради Barca Universal.