«Лестер» раҳбарияти Энцо Мареска истеъфосидан сўнг жамоага янги бош мураббий қидирмоқда.
Журналист Саша Тавольери ижтимоий тармоқларда хабар беришича, Карлос Корберан «тулкилар» бошқарувини қабул қилиши мумкин. «Лестер» вакиллари аллақачон 41 ёшли испаниялик билан музокаралар ўтказиш учун учрашишган.
Корберан инглиз футболини жуда яхши билади - испаниялик мутахассис 2022 йилнинг октябрь ойи охиридан бери «Вест Бромвич»га устозлик қилиб келади. Мутахассис аввалроқ «Хаддерсфилд Таун»ни бошқарган ва «Лидс»да Марсело Бьелса штабида ишлаган.
