Хабарингиз бор, 2 апрель куни “Бунёдкор” Осиё Чемпионлар лигаси 3-тури доирасида Хитойнинг “Бейцзин Гоан” клубини қабул қилади.
Учрашув куни оммавий ахборот воситалари бўғинларида фаолият юритувчи журналистларнинг “Бунёдкор” стадионига кириш тартиби одатдагидан бироз бошқачароқ бўлади. 2 апрель куни “Бунёдкор” – “Бейцзин Гоан” учрашувини ёритиб бориш мақсадида бўлган ҳамкасбларимиз 5-назорат кириш жойи орқали стадион худудига кириб келишади.
Шунингдек, “Бунёдкор” стадиони пресс-ложасидаги жойлар сони чегараланганлиги боис клуб матбуот хизмати ОАВ вакилларига қўшимча рухсатнома беради. Айнан шундай махсус рухсатномаларга эга бўлган журналистлар учрашувни бевосита пресс-ложада ишлаш имкониятига эга бўладилар.
Журналистларнинг “Бунёдкор” стадионига кириш тартиби билан қуйидаги фотосуратлар орқали танишиб олишингиз мумкин.
