Диего Марадонанинг “Олтин тўп”и аукциондан олиб ташланди.
1986 йилги жаҳон чемпионатидаги Аргентина ғалабасидан 10 йил ўтиб Марадонага берилган “Олтин тўп” кимошди савдосида сотилиши, совриннинг ўзи эса бир неча миллионга баҳолангани аввалроқ хабар қилинганди.
Кейинчалик савдо тўхтатилди - Диегонинг оила аъзоларининг таъкидлашича, мукофот улардан 1989 йилда ўғирланган.
Бугун Франция суди “Олтин тўп”ни сотишни тақиқлаш ва кубок билан нима содир бўлганлиги аниқ бўлмагунча уни тортиб олишга қарор қилди.
Aguttes аукцион уйи совринни 6 июнь куни кимошди савдосига қўйишни режалаштирган эди. Бу спорт тарихидаги энг қиммат лотга айланиши мумкин.
