Германия терма жамоаси бош мураббийи Юлиан Нагельсманн Мануэль Нойер Евро-2024да асосий дарвозабон бўлишини айтди.
Турнирда иккинчи дарвозабон бўладиган Марк-Андре тер Штеген бу борада фикр билдирди.
"Бу вазиятга тушиб қолиш осон эмас. Аммо мураббийнинг қарорини қабул қилиш ва ҳурмат қилиш керак, бунга рози бўлмасангиз ҳам.
Мен энг яхши савияда бўлишга ва ўз ўйинимни кўрсатишга ҳаракат қиламан. Бу менинг фаолиятимдаги энг қийин қарорми? Албатта, бу муҳим воқелик.
Мен ўйнашни истардим, буни яширмайман. Ўйлашимча, менинг фойдамга баҳслар бўлди, шунинг учун мураббийнинг қарори мен учун осон бўлмади.
Лекин мен учун буни қабул қилиш қийин", - дея Тер Штегеннинг сўзларини келтирмоқда Bild.
